Status: Byggefase
- Sjå byggeplassen live frå entreprenøren sine byggeplasskamera
- Sjå dronefilmar frå dei ulike fasane i byggeprosjektet
Prosjektskildring
Midtbygda behandlingssenter vil ha 100 korttidsplassar, kafé, dagsenter og rehabiliteringssenter. Åsaheimen og Midtbygda behandlingssenter vil ha fleire felles funksjonar som parkering og resepsjon. Aktiviteten på dagsenteret vil gi behandlingssenteret høve til å gi tilbod til og ha samspel med nærmiljøet. Nytt felles parkeringsanlegg for dei to institusjonane skal etablerast i terrenget under Midtbygda sjukeheim.
Sjå video som viser 3D-modell av nybygget:
Klimavennleg bygg og byggeplass
Bygget vert utforma med konstruksjon i massivtre og etter passivhusstandard. Det vil vere eit bygg som er nært fritt for utslepp. Prosjektet skal også vere utsleppsfri byggeplass så langt det lèt seg gjere. Bygget skal sertifiserast etter klima- og miljøstandarden BREEAM-NOR til utmerka (excellent). Bygget blir såkalt «Paris Proof». Det skal nyttast klimavennlege materiale, fornybar energi og energieffektive løysingar som er i tråd med Paris-avtalen.
Behandlingssenteret skal byggast på ein måte som gjer at det vil krevje lite tilført straum når det kjem i drift. Solceller, saman med eit svært effektivt ventilasjonsanlegg, lågenergi varmesystem, standard som passivhus og geobrønnar gjer at bygget berre vil forbruke omlag 40 kWh for kvar kvadratmeter.
Ombruk av gamle Midtbygda
Rivinga av det gamle bygget er planlagt med tanke på ombruk. Omlag 847 kvadratmeter med hóldekke skal ombrukast i det nye bygget. Eit hóldekke er eit betongelement for etasjeskiljarar og tak. I tillegg skal 950 kvadratmeter med systemhimling, 15 tonn med berestål og andre bygningsdelar som ståltrapp, servantar, kabelbruer og dører skal brukast om att.
Prosjektet har høge klima- og miljømål under bygginga og for det ferdige bygget. Byggeplassen skal drivast som utsleppsfri byggeplass. Det er eit mål om å redusere utsleppa med 85 prosent gjennom å bruke elektriske anleggsmaskiner.
Fakta
- Adresse: Åsane Senter 1, 5116 Ulset
- Bruttoareal eksisterande bygg: 10.000 m²
- Bruttoareal nybygg: 14.000 m²
- Oppstart bygging: oktober 2023
- Planlagt ferdig: oktober 2026
- Planlagt tatt i bruk: februar 2027
- Arkitekt: Nordic Office of Architecture
- Byggherreombod: HRP AS
- Totalentreprenør: Skanska
- Entrepriseform: Samspill til totalentrepriser
- Investeringsramme: 993 millionar kroner
Prosjektleiar i Etat for utbygging: Bjørn-Oddmar Olsen